Konseho insular ta sera konosí ku sekretario di relashonnan di reino sr. Zsolt szabó

Durante di e enkuentro, e sekretario a kompartí su eksperensia i impreshon ku el a risibí di Boneiru i otro islanan den Karibe, i tambe su puntonan di enfoke pa su kartera di relashonnan den reino.

E konsehalnan a risibí oportunidat, riba invitashon di e sekretario pa kompartí puntonan di atenshon i tambe otro desaroyonan di e isla. A gradisí e sekretario pa echo ku el a bishitá e islanan asina trempan den su ròl komo sekretario.

E enkuentro di sera konosí tabata hopi ameno i den un esfera informal, kaminda tur dos partido a indiká di ta mira pa dilanti pa por traha na un manera konstruktivo den futuro ku otro.