E islanan BES ta mustra union den reakshon riba amiendanan di lei di entidatnan públiko i finansa.

E karta akí ta trata preokupashon ku a lanta for di e korespondensia di e sekretario di estado, fechá 6 di febrüari 2025, den kua a proponé algun amienda pa e lei “Wet openbare lichamen Bonaire, Sint Eustatius en Saba (WolBES)” i e lei “Wet financiën openbare lichamen Bonaire, Sint Eustatius en Saba (FinBES)”. 

Durante e siman ku a pasa, tur tres Konseho Insular a konfirmá i akordá e karta di kontesta konhunto den nan respektivo reunionnan plenario i formalmente a manda esaki pa Sekretario di Estado, i tambe na otro órganonan gubernamental klave den e proseso akí.  E kontesta ta suprayá e preokupashonnan relashoná ku e kambionan unilateral di loke ku a keda negoshá konhuntamente durante e konferensia di trabou na De Bilt na mart 2024. E akuerdo akí ta establesé den kolaborashon ku e eks Sekretario di Estado i nan ta hasí pa guia strukturanan di gobernashon i di finansa den futuro pa e islanan. 

Den su karta mas resien, e Sekretario di Estado nobo a ekspresá su intenshon di revisá algun punto di e akuerdo akí i a indiká ku e ke tuma mas tempu pa evaluá mas ahuste. 

E Konseho Insularnan ta oponé fuertemente e aserkamentu akí, ya ku no a deliberá na ningun momentu ku e islanan promé ku a proponé e kambionan akí i ta konsiderá e falta di diálogo komo falta di rèspèt i un menospresio pa e esfuerso di kolaborashon ku a tuma lugá den e Konferensia di Trabou.