Eksitoso enkuentro ku hóbennan na Passangrahan

E grupo a disfrutá di un rekorido den Passangrahan, sigui pa un oportunidat úniko pa simulá un reunion di Konseho Insular.

Durante nan bishitá, e hóbennan tabata tin e privilegio pa eksplora Passangrahan I eksperensia e sala di reunion di Konseho Insular. Bou di guia di e konsehero di Komunikashon i Protokòl di Konseho Insular; Xenah Cicilia, nan tabata tin e oportunidat pa simulá un reunion di Konseho Insular.

Un di e momento nan durante e bishitá ku a impakta ta na momento ku hóbennan den e ròl di diputado mester a presentá nan plan. Esaki a ser sigui pa un sekshon di pregunta i kontesta ku e hóbennan den e ròl di miembronan di Konseho Insular, brindando un eksperensia real di kon prosesonan demokrátiko ta funshoná. Pa enfatisá outentisidat di e ehersisio, e miembronan di Konseho Insular mester a vota pa disidí si e plan mester ser ehekutá.

E hóbennan no solamente a pasa un ratu ameno i agradabel, pero tambe nan a haña komprendé kon gobièrnu lokal ta funshoná. E índole interaktivo i edukativo di e aktividat a permití nan di siña tokante e proseso di tumamentu desishon, trabou di tim, i e responsabilidatnan di e miembronan di Konseho Insular.

E partisipantenan a ekspresá nan entusiasmo i apresio pa e oportunidat di hunga e ròl di miembronan di Konseho Insular, diputado i tambe presidente i grefir. Nan a eksperensia e evento komo algu edukativo.

Konseho Insular di Boneiru ta keda dediká na sostené hubentut i brindá oportunidatnan edukativo pa komunidat. Aktividatnan manera esaki ta kontribuí na krea un konekshon fuerte entre e generashon mas hóben i Konseho Insular.