Griffie di Konseho Insular I ofisina di frakshonnan lo regresá Passangrahan
Griffie di Konseho Insular I ofisina di frakshonnan lo regresá Passangrahan
Kralendijk- Despues di mas ku un aña di trabou di renovashon i adaptashon di Pasangrahan pa akapará e kresementu di e tim di sosten pa Konseho Insular di Boneiru i tambe frakshonnan, kuminsando djaluna 13 di yanüari 2025 Griffie di Konseho Insular i ofisina di frakshonnan lo regresá Passangrahan ofisialmente.
Aunke falta algun detaye, Griffie lo ta operashonal for di e fecha aki i kla pa duna sosten na komunidat i Konseho Insular. Ku esaki nos ta tuma un paso importante pa sigui profeshonalisá e sosten na Konseho Insular i mehorá e servisio pa komunidat.
Pa korespondensia ofisial ku Konseho Insular, por tuma kontakto via telefòn 717 5352 òf por manda un e-mail na info@konsehoinsular.org.
Dokumentonan i informashon tokante reunionnan ta disponibel riba nos website: www.konsehoinsular.org.
Konseho Insular i Griffie insular ta kontentu ku awor for di Passangrahan kompletamente renobá por sigui kontribuí na toma di desishon transparente i efisiente na benefisio di komunidat.