Konsehero Senior/Griffier Insular suplente

E fail aki ta den archivo.

Komo Konsehero Senior bo ta okupá bo mes ku entre otro análisis i konseho hurídiko, desaroyo di maneho i bo ta guia diferente proyekto ku ta importante pa desaroyo i funshonamentu di tantu Griffie komo Konseho Insular den sentido amplio. Ademas bo ta supervisá komunikashon i raportahe di asuntunan di índole kompleho òf fundamental. Den kaso di ousensia di Griffier Insular, bo ta fungi komo su suplente.

Bo profil

Preferiblemente bo tin un estudio universitario den Derecho i afinidat konsiderabel ku Derecho Konstitushonal i Derecho Atministrativo. No opstante ku eksperensia den un funshon similar no ta rekerí, ta mira esaki si komo un bentaha adishonal. Lesa i skirbi ta un pashon di bo. Aparte di papiamentu, bo ta dominá hulandes i ingles riba nivel profeshonal.

Informashon i Solisitut

Por haña informashon tokante e funshonnan aki riba e wèpsait di Linkels & Partners: www.linkels.com/jobs.html

Mester manda solisitutnan via e-mail dirigí na señor Harald Linkels, via harald@linkels.com, promé ku 15 di yüli, 2023 huntu ku un karta/e-mail di motivashon i bo CV.

Assessment, Investigashon di Referensia i Siguridat

Un assessment sikológiko, investigashon di referensia i siguridat ta forma parti di e prosedura. Mester pidi i presentá un VOG.