Reunion di desishon di 24 di òktober 2023

Diputadonan nobo a wòrdu presentá I a huramentá

A presentá e diputadonan pa e koalishon nobo. Sin un órden spesífiko e kandidatonan ta Sr. Clark Abraham, Sra.Nina Den Heyer i Sra. Anjelica Cicilia. Despues di un momento di votashon via papel, tur tres kandidato a ser aseptá pa Konseho Insular. Dos di e tres diputadonan a keda huramentá mesora dor di e presidente di e Konseho Insular. E di tres diputado no por a asistí pa motibu di su sirkunstansia laboral aktual i lo huramentá na un fecha mas lat.

Akuerdo Di gobernashon "E diferensia Hustu i Duradero”

E akuerdo di gobièrnu "E diferensia Hustu I Duradero" a ser aseptá unánimemente pa Konseho Insular. Miembro nan di Konseho Insular no a haña nesesario pa hiba un debate tokante e akuerdo aki. Esaki ta netamente pa duna sosten I benefisio di duda na e koalishon nobo.

Amienda: Pa un reserva di riesgo asigná pa Bonlab

Un amienda pa krea un kobertura di riesgo pa BONLAB a wòrdu aprobá ku 7 voto na fabor i 2 voto kontra. E meta di e amienda aki ta pa destiná rekursonan finansiero pa BONLAB pa asina krea un struktura finansiero spesífiko pa e invershonnan nesesario den BONLAB i pa garantisá kontinuashon di su operashonnan.

Amienda: Pa invershon den LVV i INDEBON

Konseho Insular di Boneiru a aseptá e amienda ku tin e meta pa mehorá e servisionan di e departamentonan LVV i INDEBON. E departamentonan a pidi invershon pa mehorá nan servisionan, ku sinembargo no tabata inkluí den e plan anual di invershon aktual di Kolegio Ehekutivo. E amienda aki ta agregá e fondonan nesesario na e plan di invershon, loke lo permití e departamentonan optimalisá nan tareanan i servisio na komunidat.

Aseptashon presupuesto 2024 di OLB

Ku mayoria di 8 voto na fabor i 1 voto kontra, a aprobá e presupuesto pa 2024, inkluyendo e amiendanan presentá i e nota di kambio. E aseptashon di e presupuesto ta resultado di debate i deliberashon amplio den Konseho Insular I e órgano. E propósito di e presupuesto aki ta pa determiná e kuadro finansiero di e Identidat Públiko di Boneiru pa e siguiente aña i asigná e rekursonan finansiero na un manera adekuá pa kumpli ku e nesesidatnan i prioridatnan di e komunidat.