Sr. Hennyson Thielman ta huramentá komo miembro di Konseho Insular di Boneiru
Djamars 1e di aprel 2025, Señor Hennyson M. Thielman a huramentá ofisialmente komo miembro di Konseho Insular di Boneiru pa frakshon Movementu di Pueblo Boneriano (MPB). Sr. Thielman a huramentá serka gezaghebber suplente, sra Ingrid Sealy, e huramentashon a tuma lugá despues di un kontrol di kredensialnan hasi pa e komishon instalá pa esaki durante e reunion
E komishon pa kontrolá kredensial, forma pa sra. Desiree Coffie, sra. Salma Serberie I sra. Simeona Chirino-Felida a konfirmá ku tur dokumento presentá ta na òrdu, i nan a indiká ku no tin opheshon pa ku e nombrashon di Sr. Thielman. Ku esaki, Señor Thielman ta ofisialmente aseptá komo miembro di Konseho Insular di Boneiru.
Konseho Insular ta deseá Señor Thielman hopi éksito den su funshon nobo i ta konvensí ku e lo duna un kontribushon balioso pa desaroyo di Boneiru.